O Mi MIX Alpha terá pantalla envolvente e cámara de 108 Mpíxeles

Hai tres anos Xiaomi adiantouse a todo o mercado ao presentar o seu Mi MIX, un smartphone que presentaba unha pantalla case sen marcos, o que provocaba cento medo pola fraxilidade do terminal, e a renovación desta liña de móbiles recupera ese aire innovador co Mi MIX Alpha, dispositivo considerado un teléfono conceptual que, aínda que vai estar dispoñible para o público, está claro de que a súa fabricación será bastante limitada.
O máis rechamante do Mi MIX Alpha, unha vez máis, será a súa pantalla, que desta volta será envolvente, de xeito que ocuparía o 180,6% da súa frontal, xa que a pantalla esténdese polos bordes laterais e chega incluso a abarcar boa parte da traseira, até unha banda vertical que serve, entre outras cousas, para albergar a cámara traseira de 108 Mpíxeles, ou sexa, que non conformes coa súa revolucionaria pantalla tamén inclúe o sensor fotográfico de maior resolución do mercado móbil.
A cámara traseira principal do Mi MIX Alpha ten un sensor de grande tamaño (un 389% superior ao das cámaras de 48 Mpíxeles) capaz de captar imaxes de 12.032 x 9.024 píxeles (que tamén pode agrupar os píxeles en grupos de 4 para conseguir boas imaxes en condicións de baixa luminosidade) e incluso integra estabilización óptica de imaxe de 4 eixes para conseguir unha boa gravación de vídeo. Esta cámara está tamén acompañada por un sensor de ultra grande angular de 20 Mpíxeles e un telefono de 12 Mpíxeles.
Aparte da súa pantalla envolvente, o Mi MIX Alpha tamén ten un marco de aliaxe de titanio de grao aeroespacial (3 veces máis forte que o aceiro inoxidable e máis lixeiro).
Este revolucionar smartphone funcionará cun procesador Qualcomm Snapdragon 855+, soportará 5G, e chegará con 12 GB de RAM e 512 GB de almacenamento interno, cunha batería de 4.050 mAh con carga rápida de 40 watts e un prezo de 19.999 iuans (2.560 euros), cando vexa a luz a finais de decembro.