O Motorola DEFY PRO, o móbil resistente con Android para uso profesional
luns, 9 de xullo do 2012
Entre os deportistas teñen certa sona os móbiles Motorola
DEFY, DEFY+
e DEFY
MINI, por contar cun deseño resistente que os converte en axeitados para
levar enriba durante os adestramentos, e o seu fabricante optou agora por unha
nova iteración deste dispositivo pensando no público profesional, incorporándolle
un teclado QWERTY completo sen prescindir de pantalla táctil (de 2,7 polgadas
con Gorilla Glass para soportar rabuñaduras).
O Motorola
DEFY PRO resiste auga e po, resulta moi áxil para o uso do correo
electrónico e as mensaxes de texto, inclúe MotoPrint para facilitar o uso de
impresoras directamente dende o móbil e inclúe a aplicación Quickoffice para a
edición de documentos ofimáticos. Tamén conta coas aplicacións propias da
familia DEFY para axudar nos adestramentos e que non nos perdamos de saÃr a
facer sendeirismo.
Este terminal co sistema operativo Android 2.3 ten Wi-Fi, DLNA, Bluetooth, GPS,
cámara de 5 MpÃxeles con flash e enfoque automático, inclúe 2 Gb de
almacenamento interno ampliable mediante tarxetas de memoria de ata 32 Gb e vai
chegar ao mercado brasileiro o vindeiro domingo. O calendario de distribución
internacional deste terminal aÃnda non se deu a coñecer, pero é de agardar que
a finais do verán tamén poidamos velo por Europa.