O Vivo X1 véndese en China como o smartphone máis delgado do mundo

xoves, 22 de novembro do 2012 Marcus Fernández

Cando veu a luz o iPhone 5 Apple presumía de que era o smartphone máis delgado do mundo con 7,6 milímetros de grosor, algo que claramente non era certo, pois xa había terminais no mercado un pouco máis finos, chegando varios de China (como os fabricados por Oppo) e agora temos un novo dispositivo que quere facerse coa coroa, o Vivo X1, que con só 6,55 milímetros de grosor parece ser actualmente o smartphone máis delgado que podemos atopar.
O Vivo X1 conta cun procesador de dobre núcleo a 1,2 Ghz, 1 Gb de RAM, 16 Gb de memoria interna, pantalla IPS de 4,7 polgadas cunha resolución de 960 x 540 píxeles, cámaras de 8 e 1,3 Mpíxeles, batería de 2.000 mAh, radio FM e n prezo de 2.498 iuans (310,89 euros). Toda unha combinación de prestacións que, sumadas á súa atractiva estética, poderían acadar unha moi boa acollida do público se non fose porque este tipo de terminais rara vez saen da China.

O Vivo X1 ten un grosor de só 6,55 milímetros

PUBLICIDADE