Os nosos enxeñeiros de Telecomunicación organizan unha visita ao CESGA o vindeiro 3 de febreiro
luns, 9 de xaneiro do 2023
Coincidindo
co inicio do novo o ano a Asociación e o Colexio Oficial de
Enxeñeiros de Telecomunicación de Galicia (AETG-COETG) retoma as
actividades de carácter tecnolóxico que organiza regularmente en
exclusiva para asociados/colexiados, co obxectivo de fomentar o
networking, a formación continua e os contactos directos con
empresa, entidades e profesionais.
O programa comeza cunha actividade moi destacada: unha visita ás
instalacións do CESGA.
A
iniciativa está prevista para o venres día 3 de febreiro ás 12
horas. A axenda estará constituída por unha visita guiada ás
instalacións do Centro de Supercomputación de Galicia -CESGA-
facendo un percorrido polas súas dependencias e coñecendo de
primeira man sos seus recursos avanzados da man do director do
centro, Lois Orosa.
Dende
a AETG-COETG recomendan que “por cuestións de aforo as persoas
interesadas confirmen a asistencia antes do día 27 de xaneiro ás
10:00 horas”.
Lembrar
que o CESGA está de plena actualidade esta tempada por dúas
relevantes cuestións para o seu futuro: por unha banda a
inauguración en setembro do seu novo e potente supercomputador, o
Finisterrae III, e pola outra a
vindeira instalación no seu seo dun computador cuántico chamado a
converterse nun referente europeo na materia.
