Política Lingüística e Xuventude dan a coñecer as creacións premiadas en Lingua de Namorar
mércores, 21 de abril do 2021
- Presentación por vídeo-conferencia da nova edición do certame
Este
21 de abril déronse a coñecer os nomes das mozas e mozos
premiadas/os no certame Lingua de Namorar, destinado a premiar
as máis destacadas e creativas declaracións de amor na Rede, co
engadido extra (un engadido salientábel) de estar plasmadas en
galego. Segundo fixeron saber as entidades organizadoras do concurso
(a Secretaría Xeral de Política Lingüística e a Dirección Xeral
de Xuventude), a décima edición de Lingua de Namorar obtivo
unha importante participación na votación da nova categoría
Instagram.
Así,
na categoría A (de 14 a 19 anos) resultaron gañadores os textos
Penso en ti (María Rey Villar, A Coruña), Sol
e Lúa (Lucas Paz González, A Coruña) e Marfil do meu
corazón (Diego Santos Santos, Ribeira); mentres que na categoría
B (de 20 a 35 anos) foron elixidos polo xurado Rea(r)mar (Lara
Álvarez Álvarez, Redondela), O fío da vida (Leticia Cid
Cid, San Cibrao das Viñas) e KÓX3G∆S (Andrea López Otero,
Pantón).
Na
nova categoría IG acadou a maioría de gústames do público
(un total de 765) de entre as seis mensaxes participantes elixidas
polo xurado o texto Saudando a vida (José María Trigo
González, Cambados).
Nas
dúas primeiras categorías o primeiro premio é unha bicicleta
eléctrica, o segundo unha tableta de 10,1 polgadas e o terceiro unha
cámara deportiva. No caso da terceira categoría, o premio é único,
unha bicicleta eléctrica. O acto de entrega dos galardóns está
previsto para o mes de maio en Santiago de Compostela
Tanto
as mensaxes gañadoras coma as outras 267 participantes, que foron
votadas por preto de 2449 internautas (2309 deles, na fase de
votación da nova categoría IG), están dispoñíbeis na
web institucional da Dirección Xeral de Xuventude e Voluntariado.