Razer presenta o seu novo mando arcade para Xbox One
luns, 14 de xullo do 2014
Os afeccionados aos xogos de loita que teñan unha Xbox One
posiblemente teñan xa botado o ollo ao produto que vén de incorporar ao seu
catálogo Razer, e que nos vindeiros dÃas sairá á venda por
199,99 euros. Trátase do mando
arcade Razer Atrox, un completo mando que replica con grande fidelidade os
mandos que tiñan os xogos de loita nos salóns recreativos, para conseguir
reflexar con fidelidade as ordes do xogador, e que, aparte dunha panca de
control, tamén conta con 10 botóns, dos que os situados na súa parte superior
son totalmente intercambiables, de xeito que poderán personalizarse a gusto do
xogador.
Este mando emprega compoñentes fÃsicos Sanwa, ou sexa elementos propios de
máquinas recreativas reais, conseguindo asà non só a precisión que os xogadores
máis esixentes buscan, senón tamén unha grande resistencia, algo moi demandado
entre os afeccionados aos xogos de loita, que tratan con bastante intensidade o
seu hardware.
O panel superior do Razer Atrox é personalizable, e o seu interior está
accesible de xeito doado para que o usuario poida intercambiar o joystick e os botóns adaptándoos ao seu
estilo, sendo tamén un produto moi apto para o modding, que incluso incorpora un compartimento interior para poder
gardar accesorios que poidan aproveitarse para pequenos arranxos e
modificacións cando saquemos o mando da casa para, por exemplo, participar en
torneos.
Para unha grande comodidade e versatilidade, o mando inclúe un cable de 4
metros USB desmontable, con bloqueo de rosca para unha conexión segura.