SmartPEME comeza marzo con catro obradoiros sobre seguridade, mercadotecnia en liña e impresoras 3D
martes, 2 de marzo do 2021
A
Deputación
de Pontevedra, a través da rede de formación tecnolóxica
SmartPeme, oferta esta primeira semana de marzo catro novas accións
formativas online para seguir estendendo a capacitación
informática nas súas manifestacións máis avanzadas (e útiles)
entre as pemes, as persoas autónomas e as e os profesionais da
provincia. As accións versan sobre o perigo de sufrir un
ciberataque, sobre novas ferramentas de Instagram para o turismo,
sobre como deseñar unha estratexia de mercadotecnia a través de
correos electrónicos sobre como axustar impresoras 3D.
O
programa comezou este luns co obradoiro COVID-19 e Ciberseguridade
en 2021, a cargo de Manuel Freire, experto universitario en
Robótica. O martes 2 será a quenda de Novas Ferramentas de
Instagram para Turismo, que será impartido por Mariana Rosa,
graduada en Turismo.
Pola
súa banda, o mércores 3, a posgraduada en Comunicación e
Industrias Creativas Fátima FaÃlde, impartirá Desenvolve a túa
Propia Estratexia de Email Márketing e, o xoves 4, contarase
novamente coa participación de Manuel Freire, que dará continuidade
aos anteriores obradoiros sobre impresoras 3D en Impresión 3D
VIII-Axustes de Impresora.