Soria segue os pasos da Fonsagrada e súmase á TDT
mércores, 23 de xullo do 2008
Como xa pasou na Fonsagrada,
o apagamento analóxico é xa unha realidade en Soria, pois ás 12 desta mañá na
praza do Concello da cidade celebraron o adeus á vella televisión e a benvida á
Televisión Dixital Terrestre, adiantándose ao resto de España (pois o
apagamento analóxico non está previsto ata o 3 de abril de 2010).
- Miguel Sebastián fixo o acendido simbólico da TDT en Soria
Con esta experiencia piloto
achégase a TDT a 51.026 habitante repartidos en 162 localidades sorianas, que
deixarán de recibir o sinal televisivo tradicional, polo que dende hoxe para
ver a televisión deberán contar con televisores adaptados, o que lles permitirá
recibir máis canles e cunha mellor calidade de imaxe e son.
Para esta iniciativa os cidadáns contaron con axudas económicas do Ministerio
de Industria, que achegaba 450 euros por edificio (para a adaptación de antenas
colectivas), 60 euros por vivenda para a compra dun receptor de TDT interactivo
(con MHP) e 15 euros adicionais para a súa instalación.
De todos os xeitos, non todos os sorianos están afectados polo apagamento, xa
que 21
dos núcleos de poboación de Soria non reciben o sinal televisivo dende o
repetidor de Santa Ana, polo que quedarÃan fóra do programa do
Ministerio.