TrackMania Nations Forever poderase descargar de balde a partir do 16 de abril

A saga de xogos para PC TrackMania, non só está a preparar o seu salto á Nintendo DS, senón que a partir do 16 de abril contará cunha nova entrega descargable de balde a través da Internet, seguindo a estela de TrackMania Nations (que tamén era gratuíto, se instalou 30 millóns de veces e conta cuns 4 millóns de xogadores en liña).
TrackMania Nations Forever é unha secuela moi agardada, apta tanto para o xogo individual como multixogador, que contará con 65 novos trazados ordenados por dificultade.
Nadeo desenvolve este novo título, e o director do estudo, Florent Castelnerac, descata o carácter competitivo do xogo, que «aínda que xogues Nations Forever totalmente so, podes cualificarte no mundo, no teu país, na túa cidade ou na túa listaxe de amigos».

Trailer do xogo