nVIDIA achegará aos portátiles gráficas capaces de correr realidade virtual

Agora que os videoxogos soporta ultra alta definición e xorden numerosas solucións de realidade virtual os ordenadores persoais precisan de tarxetas gráficas de grande potencia, o que normalmente está afastado dos equips portátiles, algo que nVIDIA quere atallar, polo que presenta versións para portátiles das súas gráficas GeForce GTX 1080, 1070 e 1060, de xeito que a nova arquitectura Pascal pode introducirse en ordenadores de pequeno tamaño e consumo relativamente axustado, converténdose nunha boa opción para postos de realidade virtual baseados en Oculus Rift ou HTC Vive que poidan trasladarse.
Dende nVIDIA recoñecen que apostaron por estas gráficas ante as previsións de que os portátiles para gamers van incrementar as súas vendas a un ritmo moi superior que outras plataformas de xogos (como equipos de escritorio e consolas de sobremesa), e quixeron atender as novas demanda de potencial coa súa Serie 10 de gráficas GTX.
Aínda que normalmente os portátiles destinados aos xogos tenden a ter unhas aparencias moi agresivas e un grosor esaxerado, pero grazas ás novas gráficas integradas de nVIDIA temos como é posible que existan portátiles como un Razer Blade con 18 milímetros de grosor e 1,8 quilos de peso capaz de correr aplicacións de realidade virtual e mantendo un prezo bastante contido (custará 1.299 dólares nos EE.UU.). De feito, serán moitas as marcas que se sumen a este tipo de produtos nos vindeiros meses, como Acer, Asus, Gigabyte, HP ou Lenovo, polo que será doado atopar portátiles antes do Nadal que permitan levar a experiencia de realidade virtual a todas partes, o que supón un importante salto fronte ao escenario actual.