A Cámara da Coruña canalizou máis de 380.000 euros en axudas para a dixitalización de 100 empresas

A Cámara do Coruña fixo un novo balance da súa actividade destinada a favorecer a transformación das empresas da contorna. Segundo informou, foi quen de canalizar máis de 380.000 euros en axudas para a innovación e a dixitalización dun centenar de pequenas e medianas empresas.
Tamén fixo saber que estes programas TIC responden ao interese da entidade “por impulsar un ecosistema empresarial innovador, que sexa capaz de adaptarse a unha contorna cada vez máis global e internacional”. Todos estes programas están co-financiados polo Fondo Europeo de Desenvolvemento Rexional (FEDER) da Unión Europea.
Os programas estrutúranse en dous partes. Nunha primeira fase realízase un diagnóstico e unha serie de recomendacións. Unha vez finalizada esta fase, a empresa pon en práctica as recomendacións que resulten necesarias mediante axudas directas á implantación.
Diferentes liñas de actividade complementarias
En primeiro lugar, o o programa Innocámaras está deseñado para contribuír á mellora da competitividade das pequenas e medianas empresas mediante a adopción de metodoloxías que permitan incorporar a innovación de modo sistemático á súa actividade habitual.
O programa de Competitividade Turística ten como obxectivo principal contribuír á mellora competitiva do sector turístico, a través de medidas que establezan as bases axeitadas para o seu desenvolvemento, fomentando a adopción da cultura da innovación e o uso das TIC (Tecnoloxías da Información e a Comunicación).
Co programa TICCámaras, a entidade achega solucións para mellorar a competitividade dos negocios a través da incorporación de novas tecnoloxías, como ferramentas de produtividade na nube, comercio electrónico ou mercadotecnia dixital.
O programa Ciberseguridade, pola súa banda, céntrase no desenvolvemento de plans de apoio á implementación da protección dixital das pemes. Esta actuación ten como obxectivo principal “impulsar o uso seguro e fiable do ciberespazo, protexendo os dereitos e as liberdades dos cidadáns e promovendo o progreso socio económico, así como maximizar as oportunidades que ofrecen para mellorar a súa produtividade e competitividade”.
O último dos programas que a entidade impulsou nesta materia é Industria 4.0, que ten como obxectivo a transformación dixital das pemes do sector industrial, axudándoas a integrar ferramentas competitivas clave e a maximizar as oportunidades que a denominada Industria 4.0 ofrécelles para reactivar a súa actividade.
A maiores, a Oficina Acelera Peme da Cámara da Coruña (co-impulsada en colaboración con Red.es) achega atención gratuíta e personalizada a pequenas e medianas empresas, micropemes, autónomos e emprendedores da área interesadas en comezar ou en avanzar nos seus procesos de dixitalización, pero tamén axuda a pemes provedoras de tecnoloxía a introducir os seus produtos e solucións no mercado.