Apple pon á venda en España o iPhone 5C de 8 Gb

mércores, 16 de abril do 2014 Marcus Fernández

Hai preto dun mes a tenda en liña de Apple renovouse eliminando o vello iPad 2 e substituíndoo sen custo adicional por o iPad con pantalla Retina (tamén coñecido como iPad 4), pero nalgúns países a actualización serviu tamén para incorporar unha nova capacidade o iPhone 5C, que nas últimas horas chegou tamén a España, de xeito que xa é posible mercar en cor branca, rosa, amarela, azul ou verde en capacidade de 8 Gb por 549 euros. As versións de 16 e 32 Gb continúan a venderse por 599 e 699 euros respectivamente.
Resulta un tanto rechamante que Apple non modifique a estrutura de prezos deste terminal que non está a conseguir a aceptación comercial que se esperaba, sendo a meirande parte dos usuarios máis partidarios do iPhone 5S á hora de facerse cun móbil libre, pois a diferenza de prezo entre ambos terminais é moi reducida, cando en prestacións mudan bastante.

O iPhone 5C de 8 Gb chega a España a un prezo de 549 euros

PUBLICIDADE