DisplayPort 2.0 será compatible con monitores con resoluciones superiores aos 8K

As resolucións do vídeo crecentes fan que as tecnoloxías de comunicación entre os equipos e as pantallas teñan que evolucionar a pasos axigantados, e para manter este pulo dende VESA (Video Electronics Standards Association) veñen de anunciar a versión 2.0 do estándar de audio e vídeo DisplayPort, que supón o principal cambio deste estándar dende marzo de 2016 e que suporá até multiplicar por 3 o largo de banda fronte aos cables DisplayPort 1.4a. Temos así que DisplayPort 2.0 permitirá resolucións máis aló do 8K, velocidades de refresco maiores, HDR, soporte mellorado de realidade aumentada e tamén un mellor funcionamento para varios monitores á vez.
O DisplayPort 2.0 funcionará tanto a través de conectores nativos DisplayPort como a través de conectores USB-C, conservando tamén a compatibilidade con anteriores versións de DisplayPort. Iso si, aínda que o estándar estea xa aprobado non se espera que cheguen ao mercado produtos compatibles ata finais de 2020 (o que non ningún drama, xa que polo momento apenas hai no mercado contido audiovisual en 8K e produtos que poidan reproducilo, polo que a demanda de resolucións superiores aínda é moi reducida.
Con DisplayPort 1.4a podía chegarse a un largo de banda de 32.4 Gbps sumando 4 pistas a 8,1 Gbps, mentres que con DisplayPort 2.0 podemos é posible acadar comunicacións ata a 77,37 Gbps, converténdose non primeiro estándar en soportar resolución 8K (7.680 x 4.320 píxeles) a 60 Hz con resolución de cor 4:4:4 e 30 bits por píxel (para soportar HDR-10).
Como exemplos de configuracións de pantalla con DisplayPort 2.0 teríamos unha pantalla de 16K (15.360 x 8.460 píxeles) a 60 Hz e 30 bits por píxel con cor 4.4.4 con HDR, un monitor 10K a 60 Hz con cor de 24 bits e 4.4.4 (sen compresión); tamén poderiamos conectar 2 monitores 8K á vez a 120 Hz e 30 bits por polgada a 4.4.4 HDR ou 2 monitores 4K a 144 Hz e cor de 24 bits por píxel e 4.4.4 (sen compresión); podendo incluso gozarse de 3 monitores 10K a 60 Hz e 30 bits por píxeles e cor 4.4.4 HDR ou 3 monitores 4K a 90 Hz con cor a 30 bits por píxele e cor 4.4.4 HDR (sen compresión).
No caso de aproveitar as dúas pistas dun conector USB-C a través de DisplayPort 2.0 teriamos a posibilidade de conectar 3 monitores 4K a 144 Hz, 30 bits por píxel e cor 4.4.4 HDR, aínda que de contar cun único monitor o máximo configurable sería un monitor 8K a 30 Hz con 30 bits por píxeles e cor 4.4.4 HDR.