Filmin busca comprador

A plataforma española de vídeo baixo demanda, Filmin, fundada en 2007 e convertida no grande referente ibérico para as producións independentes, está actualmente controlada pola xestora de capital risco Nazca Capital, que posúe o 84% das participacións da compañía e tería contratado os servizos do banco de negocios Arcano como asesor financeiro para coordinar o proceso de venda de Filmin.
A plataforma, que conta con máis de 15 mil referencias entre filmes, documentais e series, cunha cota de mercado de entre o 5% e o 10% en España, tería xa lanzado o seu proceso de venda por un prezo que estaría no contorno dos 40-50 millóns de euros e barallándose como posible compradores investidores de outras plataformas semellantes como Telefónica (Movistar+) ou Amazon (Prime Video), sen desbotarse a posible chegada doutro investidor financeiro.
Aseguran que Filmin tivo uns ingresos de 22,6 millóns de euros en 2023, o que suporía un beneficio neto de 1,5 millóns de euros, conseguindo mellorar os resultados de anos anteriores, o que é todo un logro no complicado sector audiovisual dixital actual.