PlayStation faise con Haven Studios
luns, 21 de marzo do 2022
Hai un ano Google
pechou o seu estudio de videoxogos para Stadia, capitaneado pola célebre
Jade Raymond, que agora estaba embarcada en Haven Studios, compañÃa que hoxe
anuncian que se suma a familia de PlayStation, continuando asà a serie de
adquisicións de estudios que está a desenvolver Sony Interactive Entertainment para
fornecer as súas creacións first party.
Dende PlayStation aseguran ter comezado a traballar con Jade Raymond e o seu
equipo a primeiros de 2021, antes de que se fixera pública a creación destes
novos estudios, e adiantan que están a traballar nun grande xogo multixogador
que fomentará as interaccións entre xogadores de xeitos interesantes e
transcendentes, que finalmente verá a luz como unha nova saga orixinal para
PlayStation.
O anuncio da adquisición realizouse xunto cunhas declaracións da propia Raymond
nas que asegura que pretenden «crear un mundo sistémico en constante evolución
centrado na liberdade, a emoción e a diversión que manteñan aos xogadores
entretidos e implicados durante anos», engadindo que «será unha marabillosa
aventura que abarcará varias xeracións», o que parece indicar claramente que
PlayStation está a mover ficha para non centrar toda a súa fortaleza nos xogos individuais,
e gañar posicións nos xogos en liña.