Nedgia lanza un ecommerce para a contratación en liña de servizos
mércores, 23 de decembro do 2020
Nedgia,
a distribuidora de gas do grupo Naturgy, vén de lanzar un
servizo de ecommerce para a contratación online de
subministro de gas natural. Segundo informa a operadora eléctrica
de raíz galega, o servizo foi concibido para ser útil, simple e
seguro: “Con só uns pasos, o cliente poderá solicitar en liña o
fornecemento de gas natural a través dun sinxelo formulario que lle
irá guiando durante todo o proceso”.
Asi,
tras introducir o usuario o enderezo e o código postal, a
experiencia irase axustando á situación personalizada de cada
cliente para que poida realizar a solicitude de conexión, a
instalación do gas natural e a posta en servizo.
Este
novo ecommerce, explica a
empresa eléctrica, “pon aos clientes en contacto
cunha extensa rede de instaladores e centraliza as súas ofertas para
que escollan a opción que máis se axuste ás súas necesidades”.
Ademais, as usuarias e usuarios poderán xestionar a súa solicitude
dixitalmente, evitando a descarga de documentación en papel e
simplificando os procesos de firma e contratación.