A editorial Capitán Swing publicará o vindeiro 23 de marzo a edición en español de Mierdificación. Qué hacer ante la apropiación de Internet por las grandes tecnológicas, o ensaio no que o escritor e activista canadense Cory Doctorow analiza a deterioración progresiva dos servizos dixitais e o poder crecente das grandes plataformas tecnolóxicas.

YouTube consolidou en 2025 unha posición histórica dentro da industria do entretemento ao converterse na maior empresa de medios do mundo por volume de negocio. Así o conclúe a firma de análise financeira MoffettNathanson, que estima que a plataforma de vídeo propiedade de Google superou os ingresos do negocio mediático de The Walt Disney Company durante o pasado exercicio.

O xogo de loita Invincible VS, inspirado na popular serie de cómics creada por Robert Kirkman e na súa adaptación televisiva para Amazon Prime Video, prepara o seu lanzamento en PlayStation 5 e Xbox Series X|S cunha beta aberta que permitirá aos xogadores probar anticipadamente parte da experiencia. Esta versión de proba estará dispoñible entre os días 9 e 12 de abril e incluirá unha selección de dez personaxes xogables, ademais de varios modos centrados no combate en liña.

O conselleiro de Educación, Román Rodríguez, e o presidente da Federación Galega de Municipios e Provincias (FEGAMP), Alberto Varela, veñen de asinar a constitución da nova Rede de Concellos contra o Acoso Escolar, que nace co obxectivo de fortalecer a coordinación entre institucións para a sensibilización, prevención e actuación ante calquera problemática deste tipo.

A Universidade da Coruña (UDC) organiza a décimo segunda edición da FIRST LEGO League Galicia (FLL Galicia), o vindeiro sábado 14 de marzo, entre as 9.00 e as 19.00 horas, no Campus Industrial de Ferrol. Desta volta participan un total de 53 equipos (32 na categoría FLL Challenge, 19 na FLL Explore e 2 na FLL Discover) e máis de 450 mozos/as de distintos puntos de Galicia e de Asturias. O evento, coordinado polo profesor da Escola Politécnica de Enxeñaría de Ferrol (EPEF), José Antonio Becerra, poderá seguirse en directo a través da canle de YouTube da FLL Galicia.

O Colexio Profesional de Enxeñaría en Informática de Galicia (CPEIG) convocou a décimo sétima edición do Premio Traballo Fin de Máster en Enxeñaría Informática. O galardón, que será entregado no marco da XVIII Noite da Enxeñaría en Informática de Galicia o vindeiro 12 de xuño en Santiago (no Hotel OCA Puerta del Camino), quere ser un estímulo para os estudantes e titulados recentes no Máster en Enxeñaría en Informática.

OpenAI deu un novo paso na integración da intelixencia artificial na educación STEM ao incorporar explicacións visuais dinámicas para máis de 70 conceptos fundamentais de matemáticas e ciencias dentro de ChatGPT. A funcionalidade, dispoñible globalmente para todas as modalidades do servizo, busca transformar a comprensión de contidos tradicionalmente abstractos mediante módulos interactivos que permiten manipular variables e observar en tempo real como cambian fórmulas, gráficos e relacións matemáticas .

O Clúster TIC Galicia vén de abrir un concurso interno, dirixido aos seus socios, para a contratación do deseño e implementación dunha plataforma que permita centralizar os principais servizos da entidade. Esta solución despregarase integramente en infraestrutura on premis, a través dos servidores do Centro de Servizos Avanzados da Cidade das TIC, e actuará como base do primeiro Xemelgo Dixital do sector TIC galego.

O Centro Tecnolóxico Gradiant foi un dos grandes protagonistas do acto de presentación de proxectos de Ignicia (GAIN) do que informamos este martes 10 de marzo. No transcurso da cita o centro vigués compartiu os detalles de varios proxectos, entre os que se atopa Qryption, que supón o quinto Ignicia concedido a Gradiant, e que ten como obxectivo “mellorar a xestión e a protección dos activos criptográficos nas entidades financeiras”.

En 2015 Axóuxere Games lanzou para Android o seu xogo Colours, e decidiron celebrar os seus máis de dez anos de vida retomando esta creación e iniciando unha etapa de transformación centrada na modernización da súa identidade, a súa base tecnolóxica e a súa proposta creativa, seguindo un plan estruturado en varias etapas que se desenvolverán progresivamente ao longo dos vindeiros anos.

Persoal investigador do CITENI da Universidade da Coruña vén de lograr a concesión da patente dun sistema e método de localización de fontes emisoras de radon en interiores. Desenvolvida en colaboración entre a UDC, a UVigo e o CUD-ENM, permite identificar con precisión as entradas do gas radon en interiores: un gas ionizante moi presente en Galicia (polos solos graníticos) que é prexudicial para a nosa saúde.

Tras un par de anos sen lanzar novos produtos, Sonos presenta dous novos altofalantes co obxectivo de reforzar o catálogo de sistemas de audio: os Sonos Play e Sonos Era 100 SL. Chegan cun enfoque centrado na simplicidade de uso e na integración dentro do sistema multiroom da compañía, permitindo crear unha experiencia sonora conectada que pode ampliarse progresivamente por toda a casa.

A concelleira de Memoria Histórica de Santiago, Míriam Louzao, presentou dúas iniciativas que recuperan a historia das protestas estudantís do 68 na cidade baixo o selo Compostela é memoria. Trátase do proxecto interactivo Antes de maio e o paseo guiado Venceremos nós, que convidan a revisitar os acontecementos desde novas perspectivas.

O conselleiro de Educación e Ciencia, Román Rodríguez, acompañado da directora da Axencia Galega de Innovación (GAIN), Carmen Cotelo, participou na presentación dos nove proxectos seleccionados na última convocatoria Ignicia Proba de Concepto. Lembraron que a estas iniciativas o Goberno galego destina 4 millóns de euros que “permitirán xerar emprego de calidade”.

A entrega de marzo de Proxector, portal web de divulgación en lingua galega que elaboran o Centro de Documentación Sociolingüística de Galicia (CDSG) coa Universidade de Santiago de Compostela (USC), céntrase na Perspectiva de xénero na investigación: cara a unha ciencia de calidade.

Expourense acolleu este martes 10 de marzo a primeira reunión de socios do proxecto Digital Expo, unha iniciativa de cooperación transfronteiriza orientada á modernización e transformación dixital dos recintos feirais e centros expositivos da Eurorrexión Galicia–Norte de Portugal.

A clientela do operador galego R poderá beneficiarse dunha nova xeración de servizos móbiles tras o acordo estratéxico asinado polo grupo MasOrange coa multinacional sueca Ericsson para modernizar a súa infraestrutura de rede. A alianza permitirá desenvolver unha plataforma unificada de datos 5G para todas as marcas do grupo e facilitará o lanzamento de novos servizos baseados nesta tecnoloxía.

A Xunta de Galicia vén de adxudicar a Telefónica a posta en marcha dun laboratorio e centro demostrador de ciberseguridade en produtos con elementos dixitais que se instalará inicialmente en Santiago de Compostela. O proxecto, impulsado a través da AMTEGA, ten como finalidade anticipar os retos de seguridade dixital aos que se enfrontan as institucións, as empresas e a cidadanía galega, ao tempo que servirá como espazo para experimentar coas tecnoloxías máis avanzadas neste ámbito.

A directora xeral de Ordenación e Innovación Educativa, Judith Fernández, supervisou hoxe no Instituto Eduardo Pondal de Santiago de Compostela o desenvolvemento das probas de competencia dixital dirixidas ao alumnado de Bacharelato. Ao longo desta semana, máis de 6.500 estudantes de 2º de Bacharelato realizan nos seus propios centros estes exames promovidos pola Xunta de Galicia co obxectivo de acreditar o seu nivel de coñecementos e habilidades no ámbito dixital.

A Consellería de Medio Ambiente presentou esta mañá o que sería o primeiro museo virtual dun parque natural galego, cuxo obxectivo é “achegar o patrimonio ambiental e cultural á cidadanía a través de espazos dixitais interactivos”.